Sa sobrang dami ng gsuto mong sabihin sa taong mahal mo, minsan gusto mo na lang 'tong isulat sa bato, kesa sabihin sa kaniya na alam mong wala rin namang mangyayari kahit malaman niya. Walang mangyayari kasi wala ka namang karapatan sa kaniya. Masakit isipin na hanggang sa sarili mo na lang kaya ipagsigawan na mahal mo siya. Minsan iniisip mo pa nga kung kakayanin mo pa. Napapangunahan na kasi tayo ng takot at pangamba dahil takot tayong masaktan na. Kung sigurado ka sa nararamdaman mo, hindi na importante kung anong maging sagot niya. Ganun naman talaga pag nagmamahal eh, isasantabi mo ang sarili mong kaligayahan para sa kanya. At pag nagmahal ka, kasama na dun ang sakit. Kumabaga package deal yan. Pero hanggat nagmamahal ang isang tao, lahat kakayanin mo. Kahit ilang beses pa tayong masaktan, hindi yan hadlang para magmahal pa rin tayo ng paulit-ulit.