Ganito ko kamahal ang mga kapatid ko. Simula pagkabata hanggang ngayon ganito pa din ako sa kanila. Madalas kong iparamdam na nandito lagi ang Ate nila  kapag sa tingin ko eh may problema sila. Gusto ko maiparamdam sa kanila na mahal na mahal ko sila. Kaming tatlo ang  madalas magsikreto sa Daddy namin, dahil sa istrikto si Daddy pagdating sa buhay namin. Gusto ni Daddy ayusin namin daw mga ginagawa namin, malalaki na daw kami. Eh matitigas ulo namin hehehe.. Kaya ayun, pag may pinapagalitan isa sa kanilang dalawa, ako na bahalang nagliligaw sa Daddy ko ng usapan. Tapos ayun, makakalimutan na nya na nagagalit na pala siya. Kasi hindi naman ako ang madalas napapagalitan eh, kahit nun maliliit pa kami. Ang kapatid kong lalake ang pasaway. Pero minsan nadadamay tuloy klaming dalawang babae. Eh, ganun talaga. Okay lang din kasi magkakapatid naman kami.

Dumaan din naman ako sa edad nila at alam ko na ang sikreto pag dating sa mga Love-love na yan! Swerte na lang rin kung paranoid lang ako mag-isip talaga. Pero nasasaktan ako pag nasasaktan sila kasi alam ko ano ang pakiramdam.. Gusto ko kahit di na ako ang swertihin pagdating sa bagay na yun, basta sila na lang. Okay na lang din sa akin. Kasi andiyan naman na si Julia eh.

Hanggang ngayon tumanda na kami, ganun pa rin kami. Tatatlo na lang, mag-aaway away pa ba kami. Mababaw lang naman kadalasan pinag aawayan namin eh, ag-aaway kami, kapag sino gagamit ng TV, dahil iba nga ang mga hilig namin panuorin, ayun madalas pinagaawayan namin dahil lang sa TV,pero matagal na yun. Puro pagmamahalan na lang ngayon. 

Basta pinangako ko sa sarili ko, bubuwis ko buhay ko sa kanila talaga sa oras na may mangyaring hindi maganda, na sana naman eh wag mangyari. Kapag nangyari kasi yun, kawawa naman sila wala na silang Ate.Kahit na ang daming nagsasabi hindi kami magkakamukha. Eh malamang sa duhat ako pinaglihi, sila sa yelo, un isa naman sa singkamas! haha!  

Mahal na mahal ko sila. Kahit noong nasa maliit na bahay palang kami, hindi ako kakain dati hanggat di pa din sila kumakain. Pero ngayon kung sino na mauna bahala na jan. Kasi maliit lang mesa namain eh, di kami magkakasya lahat :p

I love you Joel at Janice. Andito lang si Ate :) Sa lahat ng may kapatid. Mahalin niyo  sila ng husto. Sila ang kakampi niyo.. Yakapin niyo sila sa oras na tingin mo kailangan mo sila. Doon mo mararamdaman na masarap pala talaga ang may kapatid. :)