Siguro nga hindi natin masisisi yung mga bagay na naghatid sakit at lungkot sa atin sa nakaraan pero hindi naman siguro ito big deal para kalimutan mo na ngumiti ulit o yung mga bagay na pwedeng maging dahilan para maging masaya ka ulit. Oo hindi madali na mag move on o kalimutan yung mga bagay na minsan ng naging bahagi ng buhay mo, yung mga tao na minsan na din naging dahilan sa bawat pag ngiti mo. Pero dapat din siguro na wag mong kalimutan na hindi lang na ka-depende ang dahilan nang pagiging masaya sa bagay na maaring mawala sa'yo, maging sa taong iniwan ka o sinaktan ka ng nakaraan.

Hindi naman kasi ibig sabihin na nasaktan ka at iniwan ka o hindi ka nagtagumpay sa mga bagay na iyong nasimulan e titigil na ang mundo at patuloy na magmumukmok sa bagay na hindi naman karapat dapat sa taong tulad mo. Huwag mong kalimutan na marami mang naging dahilan para magbigay kalungkutan at bigat sa damdamin mo mas madami parin ang bilang kung saan ka naging masaya, at kung sino at ano ang dahilan para mas maging masaya ka sa mga bagay at taong nasa hinaharap mo. Kasi kahit minsan nang sinaktan ka niya o iniwan minsan ka na din niyang napasaya sa mga bagay na dati kayong magkasama.